Dadka reer Puntland oo dareen ka bixiyay dekadda Bosaso oo usbuuc ii 2aad xidhan.
On top of new tax regime, the stevedoring fees have also significantly increased. For example, a Dow/Doon docking at the port of Bosaso used to pay $15 - 20 thousand dollars. That increased to over $80,000 or 4 to 5 fold.
Also, storage fees have increased significantly.
So when combined, the business community will have very tough time competing at the market with products imported from Mogadishu or Berbera.
Puntland iyo Caqabadaha Dhaqaale ee Is Biirsaday: Ma Joogtaa Xilligii Dib-u-habeynta Siyaasadda Dhaqaalaha?
W.Q: Shukri Faarax Axmed
Puntland waxay maanta ku jirtaa marxalad dhaqaale oo adag, taas oo ay isku biirsadeen arrimo gudaha iyo dibadda ka yimid. Sicir-bararka caalamiga ah, hoos u dhaca gargaarka iyo maalgelinta dibadda, abaaraha daba dheeraaday, shaqo la’aanta sii kordhaysa, iyo gaabiska koboca dhaqaalaha ayaa si toos ah u saameeyay nolosha shacabka iyo awoodda ganacsiga.
Bulshada ku dhaqan Puntland waxa ay wajahayaan koror joogto ah oo ku yimid qiimaha maciishada, shidaalka, gaadiidka iyo adeegyada aasaasiga ah, halka dakhligoodii dhabta ahaa uu sii yaraanayo. Isla mar ahaantaana, bulshada nugul, gaar ahaan reer miyiga, xoolo-dhaqatada, barakacayaasha iyo dhalinyarada shaqo-doonka ah, ayaa qaaday culayska ugu weyn ee xaaladdan.
Tan iyo sannadkii 2025, hoos u dhaca gargaarka caalamiga ah iyo hakadka ku yimid mashaariic badan oo horumarineed waxay yareeyeen fursadaha shaqo, wareegga lacagta iyo maalgelintii bulshada. Waxaa sidoo kale yaraaday lacagihii ay qurbajoogtu usoo diri jireen qoysaskooda iyo maalgashigii ay ku samayn jireen Puntland, taas oo sii wiiqday dhaqaalaha gudaha.
Dhanka kale, abaaraha soo noqnoqday waxay dhaawac culus gaarsiiyeen dhaqaalaha xoolaha oo laf-dhabar u ah nolosha reer miyiga. Qoysas badan ayaa galay deymo si ay u daboolaan kharashaadka biyaha, calafka iyo badbaadinta xoolahooda, halka dakhligii ay ka heli jireen iibka xoolaha iyo caanuhuna uu si weyn hoos ugu dhacay.
Xaaladdan adag waxay u baahan tahay siyaasad dhaqaale oo taxaddar leh. Marka dhaqaaluhu gaabis yahay, culays kasta oo dheeraad ah oo lagu kordhiyo ganacsiga iyo shacabka wuxuu yeelan karaa saameyn ka ballaaran dakhliga la filayo. Cashuuruhu waa aalad muhiim u ah dowladnimada, balse waa inay la socdaan koboca wax-soo-saarka, maalgashiga, shaqo-abuurka iyo tayeynta adeegyada bulshada. Haddii kale, culayska cashuurta wuxuu kordhin karaa qiimaha maciishada, hoos u dhigi karaa tartanka ganacsiga, yareyn karaa maalgashiga, isla markaana wiiqi karaa awoodda wax iibsiga ee shacabka.
Waxaa sidoo kale muhiim ah in siyaasadaha dhaqaale lagu saleeyo qiimeyn buuxda oo ku saabsan saamaynta ay ku yeelanayaan ganacsiga, Dekedda Boosaaso, suuqyada gobollada dhexe iyo xiriirka ganacsi ee Itoobiya. Go’aannada maaliyadeed ee aan lagu salayn falanqayn dhaqaale oo qoto dheer waxay halis u yihiin inay yareeyaan mugga ganacsiga iyo saldhigga cashuur-bixiyeyaasha, taas oo ugu dambayn dhaawici karta dakhliga dowladda lafteeda.
Dowladuhu ma dhismaan oo keliya marka cashuurta la kordhiyo; waxay xoog yeeshaan marka dhaqaaluhu kobco. Kobacaasna wuxuu u baahan yahay jawi dhiirrigeliya maalgashiga, xasilloonida siyaasadaha, ilaalinta tartanka suuqyada, horumarinta kaabeyaasha dhaqaalaha, iyo maamulka maaliyadeed oo hufan, isla xisaabtan leh.
Waxaa la gudboon Dowladda Puntland inay si joogto ah u qiimeyso saamaynta dhaqaale ee siyaasadaha cusub, gaar ahaan xilliyada ay bulshadu wajahdo culaysyo is-biirsaday. Hoggaanka dhaqaalaha wuxuu u baahan yahay qorshe cad oo isku dheellitiraya baahida dakhliga dowladda iyo ilaalinta awoodda ganacsiga iyo nolosha shacabka.
Bulsho culays dhaqaale la daalaa dhacaysa uma baahna oo keliya cashuur cusub; waxay u baahan tahay siyaasad dhaqaale oo soo celisa kalsoonida, dhiirrigelisa wax-soo-saarka, kobcisa maalgashiga, abuurta shaqooyin cusub, isla markaana ilaalisa awoodda wax iibsiga ee muwaadiniinta. Dowladda xooggan waxaa saldhig u ah dhaqaale xooggan, dhaqaale xoogganna waxaa dhisa siyaasad caqli ku dhisan, hufnaan iyo isla xisaabtan.
W.Q: Shukri Faarax Axmed
The economic hardship in Puntland has been exacerbated by the departure of many of its most skilled and economically productive residents. Since the United States, and by extension many European countries, have significantly reduced foreign aid spending in the developing world, particularly in the Horn of Africa, the number of international NGOs and UN agencies operating in the region has declined considerably.
Puntland has been especially affected by this reduction. Many families who depended on employment with these organisations have lost their livelihoods, prompting a significant number to relocate abroad, either returning to Western countries or moving to Kenya in search of better economic opportunities.
